АНДАЛУЗИЈА
Авион/ 4 дена/ 3 ноќевања 07-10.03.2025
Со директен лет од Скопје
ГРАТИС ПОСЕТА НА ЦИРИХ
07.03.2025 Скопје-Цирих-Малага
Состанок на групата на аеродромот во Скопје во 07.00 часот. Полетување кон Цирих во 08.55 часот, слетување во 11:15 часот по локално време. Летот за Малага е во 12.45 часот, пристигнување во 15.30 по локално време. Организиран трансфер со автобус до Малага, родното место на Пабло Пикасо и на познатиот глумец Антонио Бандерас. Петтиот по големина град во Шпанија е вистински музеј на отворено токму заради богатата историја. Ќе прошетаме низ Плоштадот Plaza de la Merced во чија близина се наоѓа родната куќа на Пабло Пикасо и Катедралата Catedral de la Encarnacion чија градба траела скоро два века и никогаш не е докрај завршена. По организираниот разглед со лиценциран туристички водич, слободно време за индивидуални прошетки. Во договореното време се упатуваме кон хотелот „Bluesea Gran Cervantes Hotel“ 4* лоциран во центарот на Торемолинос (https://grancervantesbybluesea.hotels-torremolinos.com/en/#bkl ). Слободно време за одмор и индивидуални активности. Ноќевање.
08.03.2025 Торемолинос – Севиља
Појадок. Заминување со автобус на целодневна посета на Севиља, главниот град на Андалузија. Велат дека ниту еден град не му е рамен по архитектонското наследство. Секоја градба ќе ни го одземе здивот додека шетаме низ улиците по кои шетал барокниот сликар Bartolomeo Muriljo. Но она што прво ќе не` пречека во градот е мирисот на портокалите - во 12. век се верувало дека оној кој има повеќе од две стебла портокали ќе има среќа, што на крај придонело до тоа денес градот да пука од среќа - посадени се повеќе од 40.000 стебла, а дополнително фасцинира и податокот дека некои од нив се стари и до 600 години. Главната атракција на градот е Катедралата, трета по големина во светот прогласена во 1986 година од УНЕСКО како светско културно наследство. Многу познати личности се погребани во неа, меѓу нив и Кристофер Колумбо (во слободното време можете индивидуално да ја посетите Катедралата). Најпознатиот градски Плоштад во Севиља е толку голем што не може да влезе во еден кадар... Ова ремек дело на архитектурата е изградено во 1929 година како дел од Ибероамериканската изложба која се одржувала токму тука, а Плоштадот бил центар на таа изложба. Деталите на зградите одушевуваат - се` е украсено со препознатливите керамички плочки познати како „azulejos“ што значи плаво. Севиља е дом на двете најголеми шпански традиции-фламингото и коридата, па на плоштадот секојдневно можете да уживате во фламинго перформансите. По организираниот разглед, слободно време за индивидуално уживање во еден од најубавите европски градови. Враќање во хотелот. Ноќевање.
09.03.2025 Торемолинос-Ронда-Setenil de las Bodegas
Појадок. Заминување со автобус на целодневна посета на најубавите бели села во овој дел од Шпанија. Ернест Хемингвеј во својот есеј „Смрт попладне“ пишува дека постои еден најромантичен град во кој треба да се оди ако некој одлучи да оди на меден месец во Шпанија. Тој град е Ронда. Тоа е најубавиот мал град во Андалузија кој со своите 3500 жители годишно го посетуваат и до 200.000 туристи. Изграден е во планинска област на 760 метри над нивото на морето и е поделен на два дела - стариот и новиот кои се разделени со 120 метри длабокиот кањон El Taho а го поврзуваат три моста- еден го изградиле Маврите, вториот Арапите, а третиот „најновиот“ и најимпресивниот мост во Шпанија е завршен во 1793 година. Тесни улички, куќи на ивицата на кањонот, драматичен пејзаж кој го одзема здивот на секој кој ќе го посети ова спектакуларно место. Тука се наоѓа и една од најстарите и најголемите арени за борби со бикови во Шпанија. Слободно време за индивидуални прошетки, а потоа продолжуваме кон најчудното село во Андалузија- Setenil de las Bodegas. Најнеобична архитектура: куќите во ова село се изградени на остатоците од изладена лава. Или уште поточно, надоградени се на пештерите кои ги формирала лавата. На некои куќи слојот од лавата е нивниот покрив, на други нивен ѕид... белите фасади се совршено вклопени во златножолтите слоеви на лавата и така ја сочинуваат оваа необична глетка. Овој скриен бисер е уникатна дестинација која мора да се доживее. Слободно време за индивидуални прошетки низ тесните улички над кои се надвиснала скаменетата лава. Во договореното време враќање во хотелот. Ноќевање.
10.03.2025 Торемолинос-Цирих-Скопје
Во раните утрински часови заминуваме кон аеродромот. Летот за Цирих е во 05. 35 часот, слетување во 08.15. Следува Бонус посета на Цирих, најголемиот град во Швајцарија, градот во кој живеат најсреќните луѓе во светот токму заради највисокиот стандард што го имаат. Организиран трансфер до центарот и слободно време за индивидуални прошетки. Во договореното време се упатуваме кон аеродромот. Летот е во 17.50 часот по локално време, слетување во Скопје во 19.50. часот.
Цена на аранжманот за уплата до 27.12.2024: 599ЕУР
Редовна цена на аранжманот: 699ЕУР
ВО ЦЕНАТА НА АРАНЖМАНОТ Е ВКЛУЧЕНО:
- Авионски билет Скопје-Цирих-Малага-Скопје со вклучени аеродромски такси
- Рачен багаж до 8 кг. и чекиран багаж до 23 кг. по лице
- Сите трансфери вклучени во програмата
- 3 ноќевања со појадок во хотелот „Bluesea Gran Cervantes Hotel“ 4* во Торемолинос
- Организиран разглед на Малага
- Лиценциран туристички водич
- Лиценциран туристички придружник
ВО ЦЕНАТА НА АРАНЖМАНОТ НЕ Е ВКЛУЧЕНО:
- Доплата за еднокреветна соба – 200ЕУР
- Факултативна посета на Севиља- 75ЕУР
- Факултативна посета на Ронда и Setenil de las Bodegas – 65ЕУР
- Туристичка такса – 1.5ЕУР по лице на ден (се плаќа во агенцијата)
- Патничко осигурување
Напомена:
Цените се по лице за сместување во двокреветни соби.
За потврда на рецервација е неопходна задолжителна уплата од 300ЕУР. Целосна доплата на аранжманот до 31.01.2025.
За реализација на аранжманот потребни се минимум 30 патници.
Агенцијата го задржува правото на промена на редоследот на програмата во случај на непредвидени објективни причини, како на пример доцнење на летот, затвореност на некој од локалитети предвидени за посета ...
Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена. Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.
Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.